ابوظبی میں ٹوائلٹ پیپرز کی چوری، ایشیائی ملک سے تعلق رکھنے والا گروہ گرفتار

ابوظبی : اماراتی پولیس نے گودام سے ٹوائلٹ پیپرز چوری کرنے والے گروہ کو گرفتار کرلیا، جن کا تعلق ایشیائی ممالک سے بتایا جارہا ہے۔

غیر ملکی خبر رساں ادارے کی رپورٹ کے مطابق متحدہ عرب امارات کے دارالحکومت ابوظبی کی ایک کمپنی کے گودام میں ٹوائلٹ پیپرز چوری ہونے کا واقعہ پیش آیا تھا، جس کا مقدمہ پولیس نے اسٹور مالک کی مدعیت میں درج کیا تھا۔

پولیس نے واقعے کی تحقیقات کرتے ہوئے چوری میں ملوث دو ملزمان کو گرفتار کیا ہے جن کا تعلق ایشیائی ملک سے ہے۔

پولیس کا کہنا ہے کہ ملزمان میں سے ایک کرین آپریٹر اور دوسرا اسٹور کیپر ہے، پولیس نے دونوں ملزمان کو گرفتار عدالت میں پیش کردیا جہاں انہیں چھ ماہ قید کی سزا سنادی۔

پولیس کا کہنا ہے کہ چوری ہونے والے ٹوائلٹ پیپرز کی مالیت 42 ہزار درہم تھی، جنہیں ملزمان نے چرانے کے بعد مارکیٹ میں فروخت کردیا تھا۔

خیال رہے کہ دنیا بھر میں کرونا وائرس کی موذی ترین وبا پھیلنے کے بعد ٹوائلٹ پیپرز کی مانگ میں بےتحاشا اضافہ ہوگیا ہے جس کے باعث اس کی قیمتیں بھی آسمانوں سے باتیں کرنے لگیں تھیں،یورپی ممالک میں تو گاہکوں کو ٹوائلٹ پیپرز کی خریداری پر آپس میں لڑتے بھی دیکھا گیا تھا۔

fb-share-icon0

Tweet
20

Comments

comments




Source link

About Raja

Check Also

سعودی عرب میں نیا نظام، غیرملکیوں کی مشکلات بڑھ گئیں

ریاض: سعودی عرب میں غیرملکیوں کی جگہ مقامیوں کو نوکریاں فراہم کرنے کا دائرہ مزید …

Leave a Reply

Your email address will not be published. Required fields are marked *