اینڈرائیڈ 11 موبائل آپریٹنگ سسٹم کی رونمائی مؤخر –

امریکا میں سیاہ فام شخص کی ہلاکت کے بعد پرتشدد مظاہروں کی وجہ سے گوگل نے اپنے اینڈرائیڈ 11 موبائل آپریٹنگ سسٹم کی رونمائی مؤخر کردی۔

گوگل کا کہنا ہے کہ اینڈرائیڈ 11 موبائل آپریٹنگ سسٹم کے بیٹا ورژن کی رونمائی جو اگلے ہفتے طے شدہ تھی، وہ امریکا میں ہونے والے پرتشدد مظاہروں کی وجہ سے مؤخر کی جارہی ہے۔

اینڈرائیڈ ڈویلپرز کی ویب سائٹ پر کہا گیا ہے کہ ہم اینڈرائیڈ 11 کے بارے میں بتانے کے لیے نہایت پرجوش تھے لیکن فی الحال یہ خوشی منانے کا وقت نہیں ہے۔

آپریٹنگ سسٹم کی رونمائی ورچوئلی یعنی بذریعہ انٹرنیٹ کی جانی تھی تاہم اب صرف یہ کہا گیا ہے کہ سسٹم کے بارے میں مزید تفصیلات جلد شائع کی جائیں گی لیکن اس کی کوئی تاریخ یا وقت نہیں بتایا گیا۔

دوسری جانب منیا پولیز میں سیاہ فام شخص کی پولیس کے ہاتھوں ہلاکت کے بعد پورے امریکا میں پرتشدد مظاہرے پھوٹ پڑے ہیں، مذکورہ پولیس اہلکاروں کو نوکری سے برخاست کیے جانے کے بعد ان پر قتل کا مقدمہ بھی درج کرلیا گیا ہے تاہم مظاہرین قابو میں نہیں آرہے۔

کئی ریاستوں میں ہنگامہ آرائی اور آگ لگانے کے واقعات ہوئے جبکہ پولیس کے ساتھ جھڑپیں اور گرفتاریاں بھی دیکھنے میں آرہی ہیں۔ مظاہرین نے متعدد گاڑیوں کو بھی نذر آتش کر دیا ہے جبکہ لوٹ مار کے واقعات بھی دیکھنے میں آئے۔

fb-share-icon0

Tweet
20

Comments

comments




Source link

About Raja

Check Also

انسٹاگرام اور میسنجر ایک ہونے کے قریب –

سماجی رابطے کی مقبول ترین ویب سائٹ فیس بک نے اپنے پلیٹ فارمز کو ایک …

Leave a Reply

Your email address will not be published. Required fields are marked *