دلہا شادی کی تقریب کے دوران اسٹیج سے فرار، افسوسناک واقعہ –

لکھنؤ: بھارتی ریاست اترپردیش کے ایک ضلع میں شادی کے دوران لالچی دلہا اسٹیج سے اتر کر فرار ہوگیا۔

بھارتی میڈیا رپورٹ کے مطابق ریاست اترپردیش کے ضلع قنوج کے گاؤں جگت پور میں عین شادی کی تقریب کے دوران دلہا اپنا مطالبہ پورا نہ ہونے پر اسٹیج سے اٹھ کر فرار ہوگیا۔

رپورٹ کے مطابق دلہا نے لڑکی کے گھر والوں سے جہیز کے علاوہ پچاس ہزار روپے رقم نقد بطور تحفہ مانگی، جس پر دلہن والوں نے رقم ادا کرنے سے انکار کیا تو وہ اسٹیج سے کھڑا ہو کر ٹہلنے نکلا اور موقع ملتے ہی فرار ہوگیا۔

دلہا جب کافی دیر تک واپس نہیں آیا تو مہمان پریشان ہوئے اور لاپتہ ہونے کی خبر کے بعد تو ہنگامہ کھڑا ہوگیا۔

عینی شاہدین نے بتایا کہ دلہا نے جہیز کے علاوہ پچاس ہزار روپے نقد رقم بطور تحفہ مانگی، جسے سُن کر لڑکی کے گھر والوں نے پیسے دینے سے انکار کیا تو وہ اسٹیج سے اتر کر چلا گیا۔

مزید پڑھیں: عین شادی کے وقت دولہا فرار! پھر کیا ہوا؟

دلہا کے فرار ہونے کے بعد ایک ایک کر کے باراتی بھی غائب ہونا شروع ہوئے جنہیں دیکھ کر لڑکی کے والد نے مہمانوں سے رکنے کی استدعا بھی کی مگر کسی نے ایک نہ سُنی۔

تقریب میں شریک مہمان مشتعل ہوئے اور انہوں نے دلہے کے نانا، شادی کرانے والے شخص، کیمرا مین سمیت دو گاڑیوں کو یرغمال بنایا لیا، جبکہ پولیس میں شکایت درج کراکے انصاف کا تقاضہ بھی کیا۔

دلہن کے والد نے پولیس کی جانب سے کارروائی کی یقین دہانی کرانے کے بعد یرغمال افراد کو جانے کی اجازت دی مگر شکایت پر کوئی قدم نہیں اٹھایا گیا۔

دلہا کے والد نے بتایا کہ ہم نے اپنی بیٹی شیوانی کی نبی گنج گاؤں کے رہائشی دیویندر کے ساتھ 16 جون کو شادی طے کی تھی، بارات آنے سے قبل جہیز کا مکمل انتظام کیا گیا مگر پنڈال میں پہنچنے کے بعد دلہا نے پچاس ہزار روپے  کیش دینے کا مطالبہ بھی کیا۔

یہ بھی پڑھیں: سالے کی چھیڑ چھاڑ سے پریشان دلہا طیش میں آگیا! پھر کیا ہوا؟ دلچسپ ویڈیو دیکھیں

انہوں نے بتایا کہ ’میں نے دلہا اور اُس کے گھر والوں کو اپنی صورت حال سے آگاہ کیا اور یقین دہانی کرائی تھی کہ شادی کے بعد کسی سے قرض لے کر یہ رقم ادا کردوں گا مگر وہ نہ مانے اور رخصتی سے قبل ہی رقم ادا کرنے کا مطالبہ کرتے رہے‘۔

Comments




Source link

About

Check Also

شادی کے روز دلہے کا ’لیپ ٹاپ‘ کا استعمال، دلہن نے کیا کیا؟

کورونا وبا کے دوران بیشتر ممالک کی طرح بھارت میں بھی آفس بند ہونے کے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے