روس کرونا ویکسین ڈیٹا چوری کرنے کی کوشش کر رہا ہے: برطانیہ –

لندن: برطانیہ کا کہنا ہے کہ روس COVID-19 ویکسین کا ڈیٹا ہیک کرنے اور چوری کرنے کی کوشش کر رہا ہے۔

غیر ملکی میڈیا کے مطابق برطانیہ کے نیشنل سائبر سیکورٹی سینٹر (این سی ایس سی) نے جمعرات کو کہا کہ روسی ریاست کے حمایت یافتہ ہیکرز دنیا بھر کے تعلیمی اور دوا ساز اداروں سے کرونا وائرس ویکسینز اور علاج معالجے کا ڈیٹا چوری کرنے کی کوشش کر رہے ہیں۔

برطانیہ، امریکا اور کینیڈا کے ایک مشترکہ بیان میں ان سائبر حملوں کی ذمہ داری APT29 گروپ ڈالی گئی ہے، جسو ’کوزی بیئر‘ کے نام سے بھی جانا جاتا ہے، جس کے بارے میں ان کا کہنا تھا کہ یہ روسی انٹیلی جنس سروسز کے ایک حصے کے طور پر آپریٹ ہوتا ہے۔

این سی ایس سی کے آپریشن ڈائریکٹر پال چِچسٹر کا کہنا تھا کہ ہم کرونا وائرس کی عالمگیر وبا کے خلاف جنگ لڑنے والے اس اہم کام پر ہونے والے حقیر حملوں کی مذمت کرتے ہیں۔

برطانوی وزیر خارجہ ڈومینک راب نے کہا کہ روسی انٹیلی جنس سروسز کا وبا پر ہونے والے کام کو ہدف بنانا کلی طور پر ناقابل قبول ہے، جہاں باقی مفاد پرستی میں مبتلا نظر آتے ہیں وہاں برطانیہ اپنے اتحادیوں کے ساتھ عالمی صحت کے تحفظ کے لیے ایک ویکسین کی تلاش میں جُتا ہوا ہے۔

این سی ایس سی کا کہنا تھا کہ مذکورہ ہیکرز گروپ نے حملوں کے لیے متعدد تیکنیکس اور اوزار اختیار کیے، ان میں اسپیئر پِشنگ اور کسٹم میلویئر بھی شامل ہیں۔

ادھر برطانوی وزارت خارجہ نے الزام لگایا ہے کہ 2019 میں روس نے غیر قانونی طور پر حاصل کی گئی دستاویزات کے ذریعے برطانوی انتخابات میں مداخلت کی، برطانوی انتخابات میں روس کی مداخلت کی کوشش ناقابل قبول ہے۔

برطانوی وزیر خارجہ ڈومینک راب نے کہا کہ برطانیہ میں مداخلت کرنے کی کوششیں مکمل طور پر ناقابل قبول ہے، برطانوی حکومت نے وثوق کے ساتھ روس کی جانب سے برطانوی جمہوری نظام میں مداخلت کا الزام عائد کیا ہے۔

fb-share-icon0

Tweet
20

Comments

comments




Source link

About Raja

Check Also

جدید ریلوے لائن کا افتتاح

بیجنگ/وینتیان: چین اور ہمسایہ ملک لاؤس کے درمیان ریلوے لائن کا افتتاح ہوگیا ہے۔ غیرملکی …

Leave a Reply

Your email address will not be published. Required fields are marked *