کرونا وائرس، ویڈیو شیئر کرتے ہوئے شہزاد رائے کا بڑا انکشاف –

کراچی: پاکستانی گلوکار اور سماجی رہنما شہزاد رائے نے انکشاف کیا ہے کہ وہ اور اُن کے اہل خانہ کرونا سے متاثر ہوئے مگر اب صحت یاب ہوچکے ہیں۔

سماجی رابطے کی ویب سائٹ ٹویٹر پر کرونا سے بچاؤ کے لیے احتیاطی تدابیر کی ویڈیو شیئر کرتے ہوئے شہزاد رائے نے بتایا کہ انہیں اور اہل خانہ کو کرونا کی تشخیص ہوئی تھی۔

شہزاد رائے نے لکھا کہ کچھ عرصہ قبل میں اور اہل خانہ وائرس کی تکلیف سے گزرے البتہ اب متاثر ہونے والے تمام لوگ بالکل ٹھیک ہیں۔

سماجی رہنما نے یورپی یونین کے تعاون سے تیار کی جانے والی ویڈیو اپنے ٹویٹر اکاؤنٹ پر شیئر کی جس کے ذریعے عوام کو  کرونا سے بچاؤ کے لیے احتیاطی تدابیر اختیار کرنے کو آسانی سے سمجھایا گیا ہے۔

اس ویڈیو کے ذریعے عوام کو سماجی فاصلے اور ماسک لگانے کی ترغیب دی گئی اور بتایا گیا ہے کہ اگر ان دو کاموں پر پابندی سے عمل کرلیا جائے تو آپ کرونا سے محفوظ رہ سکتے ہیں۔

اس ویڈیو میں گلوکار شہزاد رائے کو ماسک پہن کر ہیڈ فون لگائے سڑک پر چلتا دکھایا گیا ہے اور پھر یہ دکھایا گیا کہ وہ سماجی فاصلے کو یقینی بناتے ہوئے بزرگ شہری کی مدد کررہے ہیں اور اُسے سڑک پار کروا رہے ہیں۔

ویڈیو کے آخر میں گلوکار نے عوام کو مشورہ دیا کہ وہ وبا سے بچنے کے لیے عید قرباں بھی سادگی سے منائیں اور عید کے موقع پر سماجی فاصلے کو خاص طور یقینی بنائیں۔ شہزاد رائے نے ’چہرے پر ماسک، ہر پاکستانی کا ٹاسک‘ نعرہ بھی بلند کیا۔

fb-share-icon0

Tweet
20

Comments

comments




Source link

About Raja

Check Also

عاصم اظہر نے صبا قمر کو ‘استاد جی’ کا لقب دے دیا

پاکستانی فلم و ڈرامہ انڈسٹری کی معروف اداکارہ صبا قمر نے گلوکاری کی دنیا میں …

Leave a Reply

Your email address will not be published. Required fields are marked *