گرفتاربھارتی ہائی کمیشن کے اہلکار جعلی کرنسی کےکاروبار میں ملوث نکلے

اسلام آباد : گرفتاربھارتی ہائی کمیشن کےاہلکارجعلی کرنسی کےکاروبار میں ملوث نکلے، پاکستانی جعلی کرنسی بھارتی اہلکار سل دیوپاول سےبر آمد ہوئی۔

تفصیلات کے مطابق اسلام آباد میں تعینات بھارتی ہائی کمیشن کے اہلکار ناصرف ہِٹ اینڈ رن کیس میں ملوث پائے گئے بلکہ ان میں سے ایک کے قبضے سے ہزاروں روپے کی جعلی پاکستانی کرنسی بھی برآمد ہوئی۔

پولیس کا کہنا ہے کہ بھارتی ہائی کمیشن کےاہلکارسلوا دیس پال کے قبضے سے دس ہزار روپے کی جعلی کرنسی برآمد ہوئی ، بر آمد کی جانے والی کرنسی قبضے میں لے لی ہے اور جعلی کرنسی کو مال مقدمےکا حصہ بنایا گیا ہے۔

اسلام آباد پولیس نے معاملے کی ایف آئی آر تھانہ سیکریٹریٹ میں درج کرلی ہے ، بھارتی اہلکارسلوا دیس پال بھارتی ہائی کمیشن کا اسٹاف ممبر ہے جس کی تعیناتی کی مدت دسمبر 2020 میں ختم ہورہی ہے۔

مزید پڑھیں : بھارتی ہائی کمیشن کے 2 اہلکاروں کو پولیس نےگرفتار کرلیا

گذشتہ روز تیزرفتارگاڑی میں سوار دو بھارتی اہلکاروں نے اسلام آباد میں ایک شخص کو ٹکر مار کر زخمی کیا اور فرار ہونے کی کوشش کی لیکن موقع پر موجود شہریوں نے انہیں پکڑکر پولیس کے حوالے کیا تاہم یہ اہلکاربھارتی ہائی کمیشن کےاسٹاف ممبرہیں اور انہیں سفارتی استثنیٰ حاصل ہے لہذا گرفتاری کے چند گھنٹے بعد وزارت خارجہ کی تحریری درخواست پر انہیں بھارتی کمیشن کے سینئرافسرکے حوالےکر دیا گیا۔

بعد ازاں بھارتی ہائی کمیشن کے 2 اہلکاروں کی گرفتاری پر نئی دہلی میں پاکستانی سفارت خانے کا محاصرہ کرکے  افسران کو ہراساں کیا گیا۔

fb-share-icon0

Tweet
20

Comments

comments




Source link

About Raja

Check Also

دہرے قتل کے ملزمان کی سزائے موت کے خلاف اپیلیں مسترد

کراچی : سندھ ہائی کورٹ نے دہرے قتل کے ملزمان شیراز اور تصور کی سزائے …

Leave a Reply

Your email address will not be published. Required fields are marked *