گھر کی دیواروں سے پراسرار طور پر شہد نکلنے لگا –

پنسلوانیا: امریکی ریاست پنسلوانیا میں ایک گھر کی دیواروں سے شہد بہنے لگا، جسے دیکھ کر گھر والے حیران رہ گئے۔

غیر ملکی میڈیا کے مطابق ریاست پنسلوانیا کی بَکس کاؤنٹی کے علاقے پرکیزی میں ایک گھر کی دیواروں سے لیس دار پُراسرار چیز نکلنے لگی تو گھر والے حیران ہو گئے، بعد ازاں انھیں معلوم ہوا کہ یہ شہد ہے۔

گھر کی خاتون آنڈریا ایزابیل نے بتایا کہ سب سے پہلے ان کے شوہر نے دیواروں پر کالے سے دھبے دیکھے، بعد میں پتا چلا کہ یہ شہد ہے اور دیواروں کے اندر شہد کی مکھیوں نے بڑی تعداد میں بسیرا کر لیا ہے۔

خاتون کا کہنا تھا کہ گزشتہ جمعے کو اس علاقے سے استوائی طوفان فے (Tropical Storm Fay) گزرا تھا، جس کے بعد یہ واقعہ ہوا۔ خاتون نے میڈیا کو بتایا کہ ابتدائی طور پر ان کا خیال تھا کہ شاید طوفان میں پانی سے دیواروں میں کوئی خرابی آ گئی ہے، تاہم جلد ہی انکشاف ہوا کہ دیواروں سے شہد لیک ہو کر بہہ رہا ہے۔

اہل خانہ پر یہ انکشاف ہونے کے بعد کہ دیواروں سے شہد بہہ رہا ہے، انھوں نے ایک مقامی بی فارم سے مدد طلب کی، جہاں سے شہد کی مکھیوں کو پکڑنے والے اہل کار کو بھیجا گیا۔

شہد کی مکھیوں کو پکڑنے کے ماہر ایلن لٹانزی نے گھر کا جائزہ لینے کے بعد انکشاف کیا کہ دیواروں کے اندر مکھیوں کی پوری کالونی نے بسیرا کر لیا ہے۔ لٹانزی نے کہا کہ وہ شہد کی مکھیاں اس کی لڑکیوں جیسی ہیں، وہ انھیں پکڑ کر گھر لے جائے گا اور اس کے لیے یہ مکھیاں شہد بنائیں گی۔

fb-share-icon0

Tweet
20

Comments

comments




Source link

About Raja

Check Also

ننھی گلہری کی سردیاں گزارنے کے لیے معصوم حرکت، لیکن گاڑی مالک مشکل میں پڑ گیا –

شمالی ڈکوٹا: امریکا میں ایک ننھی گلہری نے سردیاں گزارنے کے لیے ایک ایسی معصوم …

Leave a Reply

Your email address will not be published. Required fields are marked *